Музейный уголок "Беларуская хатка"

Год стварэння- 2011; з 2011 года- краязнаўчы куток, з 30.08.2024 года- музейны куток “Беларуская хатка”.

Музейны куток “Беларуская хатка” размешчаны ў ДУА “Гімназія №1 г.Оршы імя Г.В.Сямёнава” на базе кабінета беларускай мовы і літаратуры №16. Агульная плошча кабінета- 49, 2 м.кв., агульная плошча музейнага кутка- 11, 8 м.кв.

У кабінеце ёсць тры акны, жалюзі , стол настаўніка, стул настаўніка,  пятнаццаць парт, трыццаць стулоў, тэлевізар, які выкарыстоўваецца для правядзення разнастайных экскурсій, пазакласных мерапрыемстваў, навучальных заняткаў,  дзве шафы, у якіх сабраны папкі з дыдактычным матэрыялам, розны даведачны матэрыял, мастацкая літаратура, слоўнікі, матэрыял для правядзення экскурсій і розных мерапрыемстваў у музейным кутку. Ёсць інфармацыйны стэнд “Беларуская скарбонка”, дзе матэрыял абнаўляецца кожныя два тыдні.

У кабінеце знаходзіцца музейны куток “Беларуская хатка”, мэта якога- адраджэнне роднай мовы, культуры, абрадаў, нацыянальных традыцый. У фондзе музейнага катка налічваецца сорак два экспанаты. Асноўная колькасць экспанатаў- натуральны прадукт, якім карысталіся раней. Музейны куток прадстаўлены раздзеламі “Бабін кут”, “Чырвоны кут”, “Ткацтва”. У кутку ёсць ілюстрацыйна-мастацкае ўвасабленне “Кола часу”.

“Бабін кут”- гаспадарчы куток. Тут ёсць вілы, чапяла, серп, апалонік, чыгункі, патэльня, качарга, драўляная лапатка, ночвы, маслабойка, сіта, дзяжа, маленькія жорны, гліняны посуд, ступа, кошыкі, лава, стол, прас, качалка.

“Чырвоны кут”- покуць. Тут ёсць абразы, убраныя ўзорным ручніком(набожнікам).

“Ткацтва”. Гэты раздзел прадстаўлены двума калаўротамі, двума верацёнамі, прасніцай з воўнай, пранікам.

Дапаможным фондам кутка з’яўляюцца (зробленыя ў стылізаваным выглядзе) сялянская печка, пляцень, драўляная падлога. На сцяне знаходзіцца інфармацыйны сэнд “Кола часу” са зменнай этнаграфічнай экспазіцыяй.

Створаны план работы музейнага кутка на 2024/2025 навучальны год, у якім прадугледжаны наступныя выхаваўчыя мерапрыемствы- святы беларускага народнага календара “Гуканне вясны” і “Саракі”.

Экспанаты раздзелаў музейнага кутка выкарыстоўваюцца і на ўроках беларускай літаратуры. Напрыклад, 7 клас- Я.Колас “Дзядзька-кухар”, 7 клас- У.Караткевіч “Зямля пад белымі крыламі”, 9 клас- Я.Колас “Новая зямля”,  10 клас- З.Бядуля “Бондар”, І.Мележ “Людзі на балоце” і г.д.